破·地獄之後（一） （含劇透） 《破·地獄》無疑是一齣很出色的電影，期待加長版，到時必定再入戲院睇！尤其是對人物性格的描繪，現有版本cut 了不少。希望加長版可以補回這些碎片。 關於人物性格，我想講下阿哥志斌。在整套戲裏面，佢嘅人物性格算是描繪得比較完整、有立體感。就講吓佢老婆，點解佢會揀個咁嘅人結婚？明知佢信教，同自己屋企做喃嘸好大衝突，但係偏偏同佢結婚。其實佢老婆，同佢老竇文哥，有很多相似的地方。 我見有不少人批評佢老婆係耶L，控制慾強。其實呢個正正就係文哥嘅寫照。佢兩個都一樣，一個就耶穌大晒，一個就祖師爺大晒。咩都無情講，咩都冇得傾。 雖然志斌埋怨老竇，將佢一世困喺紅磡。但另一方面，佢讀書唔識，阿爸又俾咗個安樂嘅地方佢生存。老婆嘅專制，令佢有一種熟悉的安全感。 志斌一直都好想得到阿爸認同，一直都依從阿爸吩咐去做人，可惜仍然得不到阿爸的欣賞。所以他把這份渴望投射到自己的家庭，老婆叫佢做乜，佢都會盡量滿足，不同的是，老婆始終會俾返啲正面回應佢。咁就解釋咗，點解志斌好搵唔搵，仍然搵返個控制慾超強嘅人做伴侶。  我認為，編劇巧妙地將斌嫂描繪成女版明哥，確是神來之筆。