IG有人話想聽多啲我同女朋友之間嘅故仔，咁我講下我地啱啱識個陣發生嘅事啦。 sem2啱啱開sem個陣，佢約我到元福食飯。個日好死唔死我竟然遲到，我由hall跑到去舊校，過程中又好驚佢自己一個等我咁耐，仲要第一次見面就遲到！！當時其實我好緊張。一入餐廳，見到一個細細粒嘅黑色背影，行到佢面前拉開張凳扮自然同佢講「sorry遲左少少，頭先搵你唔到balabala..」其實內心我好緊張，但係到扮一啲都唔緊張….我坐低左先認真望到佢嘅面孔，佢望左我一眼即刻低頭，又將視線移開，我唔講野嘅話佢都唔講嘢，所以我要不斷開話題，一些I人與E人的初次見面。 但我到宜家仲清楚記得第一眼望到佢嘅感覺，佢著住黑色嘅毛衣靜靜地坐係我對面，就好似一堆粉紅玫瑰入面插住一束黑玫瑰咁驚艷。野食到左，佢更加唔望我，全程只係低頭望住佢兜面。佢拎起筷子隨口講咗句：「我真係好鍾意食呢個海帶」 我望左下我兜面，原來我都有海帶，我用筷子小心地將海帶夾係我嘅匙羹上，然後將匙羹中的海帶遞去前面的那個碗裡去。 「你唔鍾意海帶咩」 「我唔太食」 「真架，你比曬我🥺好耶」 留言繼續 傻仔Threads限字數