或許我對生活好多嘢過於執著，但就係因為呢啲累積埋搞到我依家好唔開心，好多時候我都只係喺度強顏歡笑，做任何嘢真係完全提唔起幹勁，甚至feel到開始有少少抑鬱復發，我真係好擔自己又再次出事。我好想搵人傾訴，甚至有啲人見我唔開心都會走嚟問我有啲咩事唔開心可以講出嚟。我好想講，但我完全冇嗰種勇氣講出嚟，甚至已經去到覺得冇必要同人講呢個地步，反正講完之後其他人淨係識得一味批評我、指責我，完全冇理會過我嘅感受🥲。 冇人明白我嗰種感受嗰種失落感嗰種唔開心我通通都算，我淨係想搵一個人支持下我安慰下我有冇咁難？真係唔明白我究竟做錯咗啲咩要搞到惹起公憤個個淨係識得鬧我。反正我存在就係一個錯誤，有啲咩唔開心講出嚟都冇人care，搞到我做啲咩都好有罪惡感，依家真係寧願有咩唔開心自己收收埋埋積埋一齊都好過同人分享🥲。 由細到大都係咁，屋企人又係朋友又係老師又係就連社工都係，我有啲咩唔開心淨係識得同我講道理，有冇諗過道理我明，我淨係需要一個情緒支援🥹？佛都有火我都有情緒，我識得克制自己，但唔等於遇著啲負面壓力唔會令我唔開心🫠。呢一刻我真係唔奢求大家明白我，我只係希望大家係我失落嘅時候拍下膊頭安慰我好。