估唔到今朝一開Threads，由全頁《破地獄》變成熱烈討論3k 5k 10k 唔係馬拉松。話晒substance over form，都係名來啫，叫咩都冇所謂。 反而大家傾得咁開心提醒咗我應該要去跑吓。 噚日睇中醫，佢話你要做多啲運動啊，促進新陳代謝。「說來慚愧，我以前係一個運動員」「咁就更加要做多啲，因為你身體適應有一定嘅運動量，宜家做唔夠佢就唔係好畀力咁」 係呀，我以前由初中開始跑長跑，跑學界，跑公開賽，人生第一個冠軍都係跑步比賽拎返來。入大學跑校隊，再跑山賽，嗰陣係我嘅高峰。跟住出來做嘢，每年都會跑渣馬嘅半馬，雖然係志在參與，但都叫做有雄心壯志衝PB。喺我得到半馬PB2’02，我話下年一定可以做到Sub 2 ，點知就COVID，復辦之後連抽都抽唔中，然後就過咗來。 成日都唔去練跑，諸多藉口，我諗真係夠啦。趁仲跑得真係跑吓，我點都唔話自己老㗎😌