本身好唔想寫呢一段經歷，但係已經成為左過去式，咁趁我記憶仲未褪色既時候，寫低佢啦。 ✿係我hmd認識既第一個女仔，真係第一個，早過之前我寫既故事中各位女士。✿形容佢自己係內向但係又挑剔。年紀大概30尾，單身，做工程。我一開始同✿傾得好頻密，✿係願意講既（相對於後期），會講自己工作內容，周圍要去同人開會，又會講自己家庭既情況。屋企人同佢感情好淡，得一個細佬同佢感情好。父母親移民去左澳洲，細佬都去左日本。✿一個人留喺香港工作生活，本身有樓收租，最近仲買左新樓自住。 我地一開始傾得幾好（可能係我錯覺），✿會講佢用hmd既目的，係搵人滿足佢。✿過往亦都約過人上床，但係都無法持續關係。對於搵人結婚或者進入穩定關係，佢自詡冇乜信心。✿話自己唔靚又黑又矮，不過睇佢d相（遮住面）其實唔似係咁差。✿都講過職場上被人望住d 敏感部位，又或者被人言語騷擾。 傾左幾日我地交換左相，然後我就放膽約✿出黎飲咖啡。去到旺角街頭，佢5分鐘就由工作地點落到街。✿身高的確唔高，皮膚黑，但係靚女既，身形好fit。我地搵間Starbucks 坐低然後傾左個半鐘，傾下寵物、傾下工作，都開心既，仲話下次有機會一齊食飯。