直到有一日夜晚，✿突然一反常態主動同我講佢好多野，✿話佢喺hmd認識左一個新朋友，做平面設計既。✿話同個男仔好啱傾，一齊食完飯傾到唔想走。我當住✿面，就回覆話恭喜啊，搵到個好朋友，多d同佢聯繫啦咁樣。Deep inside，我當然係有唔開心。你識人本身係正常既事情，但係平時對我咁冷淡，做咩突然要講你結識另一個男仔？仲要興高采烈咁講，想我畀咩反應，大大方方？係，表面我已經好禮貌係咁祝賀佢認識新朋友，內心我其實有d嬲。我估到✿唔想同我傾多，但係講呢d新朋友似係想刺激我，逼我主動退出。 到嗰一刻我其實依然唔死心，心存幻想。一兩日之後，✿話佢同朋友出去日本玩，咁好啦，大概3-4日時間我當佢係旅行中冇咩時間傾計，咁我都唔再msg佢。到我估佢旅行結束既一個日子，我主動msg ✿問佢玩得開唔開心。✿send左一張相，講左幾句，話去到某個景點點點。 估唔到，上面已經係最後既對話。我同一日再同✿ send msg 佢再唔回覆。之後第二日早上我同佢say hi，講自己早上既事。佢send左一句，話我同佢其實唔需要夾硬傾計。So, the story is over.