琴晚喺焦慮爆煲嘅情緒下，終於忍唔住發洩咗出嚟 好慶幸身邊仲有一班唔介意自己表面好冷酷但內裏好弱小嘅朋友們 琴晚忍唔住搵佢哋飲酒痛哭咗一場 有時真係唔需要去話自己聽自己係一個點嘅人 都唔需要去框死自己一個係點嘅人 有時真係好憎自己咁鍾意睇mbti😂睇得多就開始「自我認為」自己應該要點、唔應該點 有好多時可以喺好多地方搵到共鳴 但千祈唔好突然迷失咗自己，唔好突然叫自己唔好做啲自己「唔應該」做嘅嘢 其實自己第一時間點睇點諗一件事，先係最真實嘅自己 以前喺IG見到一句好深刻 「你點睇自己，唔係最真實嘅自己」 「人哋點睇自己，都唔係最真實嘅自己」 「而係，你點樣睇呢個世界，先最反映到最真實嘅自己」 要人信任自己，先要自己信任自己 真係唔好太在意人哋眼光，因為自己好弱小，你顧及唔到咁多外界嘅嘢 好好處理自己先，自己先係自己最重要嘅人。 成日都話，道理我明，講經我識，但做唔做係一回事😂 希望我真係可以學習到🫶🏻Be a better person.