今日幫公司處理事務，去左一個舊樓樓梯底嘅伯伯度買左一個鎖再配多5條鎖匙，個鎖$250，鎖匙每條$35，叫伯伯開單。伯伯開單嘅時候寫小左$100。其實財政非常緊絀嘅我$100可以洗幾日，不過我從來冇猶豫過要話比伯伯聽佢寫小左。到找錢嘅時候我比左$500。佢再一次想找成$170。當然我亦都好快同佢講，找$75得啦。放工嘅時候我2米外見到有張$20喺地下。最後我比朋友叫走左冇執到。不過$200都執過嘅我最後都係會攞左去做善事。 其實我都疑惑過好多次，我唔會因為我呢幾年要好緊絀咁去過我嘅生活而起什麼貪念，我每每都係腳踏實地咁去幹活，努力工作。點解宇宙要我去經歷咁困難嘅路途？但現在來看我真係貧苦到好差咩，要比較嘅多多人我都比下去。好好咩？多多人亦將我比下去。其實今日嘅歷練係要令我更加珍惜我擁有，更加要令我感恩我將來嘅一切。以前嘅得失都係令今日嘅自己進步。每日都為有進步嘅自己鼓掌。我相信將來一定有更好嘅等緊我。唔會遲唔會早！感謝宇宙安排嘅一切。我好喜歡我嘅人生劇本，十分精彩！下一個大課題係要我去處理同父親嘅關係。來！破。地獄