睇《年少日記》喊到pk，雖然我個人既成長係完全同大仔相反，父母完全放養式教育，對我同家姐零期望，但係見到男主角得十歲仔，雖然本身唔係讀書材料，仲要好努力咁please佢父母，令我覺得小朋友真係好慘，明明已經盡左佢最大既努力，係咩家庭下成長又冇得揀，仲要成日攞佢黎同細佬比😭到最後佢攬住細佬個幕我喊到傻左，仿彿細佬係佢唯一既依靠⋯⋯其中大仔問：「咁我下次都再升唔到班呢？」 媽咪：「咁你唔好再叫我媽咪」又令我爆喊，一個小朋友最親就係媽咪，佢竟然要個小朋友冇左媽咪😭😭😭😭佢老豆又鬧佢：「你咁冇出色，第時想做麥當勞定7-11？」香港成個社會都係散播住一種讀書唔叻就乞食既有毒思想，比較真係會害死人，套戲令我諗起我兩個姨甥，同埋我既好友，雖然我認同每個個人離開世界之後，世界都會如常咁運作，每一個人，對世界其實唔係咁重要，但我仍然會不時諗起你，我只想講，你係我心中，係個好叻既人，人有好多特質，都唔係數字可以去衡量，呢個亦係我鐘意《小王子》既原因。下年我會返黎探你架啦🌸🪻我唔會唔記得你既