- 對於吹到上天既電影，以後都係打五折先入場，期望太高，睇完會失望，《破地獄》 係一例.... 反而事前無太多expectations 既電影就好鐘意，例如《填詞 L》、《武替道》。 (以下劇透） - 破地獄儀式拍到幾靚 lol - 既然「破地獄」係主題，何不花少少篇幅講解下儀式？儀式源起、點解要破瓦、點解要噴火都無講...淨係簡單見到黃子華拎住「目連救母」故事書講解？作為觀眾睇得少少一頭霧水。 - 小故事似乎太多，蓮姐、白只條線可有可無。 - 文哥最後封信同個女和解，但...有叫兩兄妹負責破地獄咩？雖然兩兄妹最後和解，令觀眾都感到一份釋懷。 - 文哥家庭關係同我有d似，家嘈屋閉，即係家庭既野要死要易d和解？ - 講死又講生，有dd貪心？ - 衛詩雅演出好細膩，最深刻係幫老豆沖涼大鬧老豆，許冠文都被鬧到想喊。另外朱栢康絕對值得拎最佳男配角。 - 套戲唔差，但沙石唔少。