的士西客之串咀阿婆 揸咗一年替更的士，今日終於遇到一個想踢佢落車既阿婆 西事1 佢既屋苑係一條崛頭巷，掉頭極花時間 西事2 目的地轉左轉右都可以去到，佢想左轉，發現右轉之後開始發嘮叨 西事3 我同佢講唔好意思唔熟路，佢繼續發嘮叨，話個個師傅都識行佢條路線，唔會跳錶 西事4 不停重複西事3內容話我唔識路，我亦講咗幾次唔好意思，但阿婆都係不停依依哦哦 西事5 煩到我問佢有冇需要免費落車，比佢另外叫車，佢又話趕時間，於是叫我繼續行又繼續哦 西事6 問我點解咁多嘢講，我答：你多問題多意見，我咪同你多啲交流囉（然後阿婆靜咗幾秒） 西事7 阿婆要求喺繁忙既英皇道掉頭 西事8 阿婆要求喺巴士站落車 西事9 阿婆投訴我找兩個5毫，唔係1蚊。我解釋5毫都係法定貨幣 自問全程有禮貌兼做返本份，無一句粗口🥹 主動提出收返$29. 佢話比$30，我亦堅持找返$1俾佢。佢本來話唔使找，但最後都係袋走兩個5毫，有一刻我期待緊佢會拎5毫掉9我😂 服務完阿婆真係十分嬲豬同無奈.回顧返短短5分鐘車程，居然可以寫到9項西事 最慘係支柯打我仲要 -$5接，前後又用咗近20分鐘去完成😂換來一肚氣，真係柒到無朋友