今日先知原來十三係可以喺超級城入面行商場，只要拖住就得，當然商戶同埋食肆入唔入得就係個別處理.. 咁我就拖住十三喺度等外賣，同時間亦有一個爸爸同佢個仔仔喺度等位，個爸爸見到十三之後就同佢個仔講："唔好搞人哋啊，一陣咬你呀" 我瞬間著咗🔥，點解又係咁？點解仲要灌輸啲咁樣嘅觀念比下一代？十三只係坐咗喺度仲要有繩拖住，佢咩都冇做過，點解就要assume佢會咬人？！ 咁喺咪我只係見到呢個爸爸一眼，我係咪就可以assume佢係會虐待佢個仔同打佢老婆既人？？ 其實喺商場入邊都有其他人對我哋報以奇怪嘅眼光，可能係因為真係冇乜人知道原來呢個商場係可以比狗入，而且仲要係大狗，但亦有好多其他人見到十三係報以友善嘅眼神同埋有笑容嘅。。家長要保護小朋友係明嘅，但係都要分返清是非，唔好將你未見到嘅嘢就當係事實咁灌輸俾你個小朋友。。小朋友係一張白紙，佢聽完你咁講日後就會覺得所有狗都會咬人，佢亦都會因此而害怕所有動物。。 #無知真係好可怕 #下次我會訓練十三當我大聲嗌Attack嘅時候佢就坐低