《我談的那場戀愛》 (Love Lies) 絕對唔只係「鄧麗欣教MC呃吳君如」咁簡單 . 好耐無睇過港產愛情小品，睇海報會以為係忘年戀吳君如偷食小鮮肉MC，但劇情同角色係完全相反！ 吳君如演中年喪偶婦科醫生（余笑琴），遇上網絡詐騙新手MC（少年）。雖然係詐騙，但實質係一趟少年陪伴中女重新學會勇敢去愛嘅旅程。電影入面講到愛情中嘅「習慣」、「相信」、「守護」，睇完有更深思考唔同人生階段中嘅愛情應該係咩模樣。 原本會擔心因為喜劇元素而令故事走向胡鬧、俗套，但編劇（何妙祺、陳慶嘉）係詐騙收尾上嘅劇情處理得好好。而攝影（譚運佳）亦拍得札幌好靚（可惜坐太前有啲shot無辦法好好欣賞🥺）。兩人坐電車個一幕有一鏡用Slow shutter去拍好驚喜，相比近年好多製作都亂用呢個Technique，呢個shot成個氛圍浪漫好多。結尾兩個失敗者相濡以沫，成個故事收得好好，睇完心頭有暖一暖。 最後必須要多謝 @illume_films 邀請睇優先場，亦多謝你地一直將港產片帶嚟多倫多同北美市場！大力支持！《我談的那場戀愛》多倫多十二月六上映啦！