前排自己過大禮，成件事同想像中有啲出入啊下🤣 雖然過大禮唔多嘢搞，但都係咁易share吓啲vendor啦～ Vendor list如下，比有需要嘅你參考一下🙌🏻 1️⃣ 過大禮套裝 - 裕華 性價比高， counter姨姨好好人，會whatsapp教我哋啲禮節。（雖然我好熟Big Day流程，但過大禮真係完全唔識） 過大禮當日提早送到，亦分好哂邊啲要回禮返男家。 套裝包埋上頭套裝、Big Day敬茶茶具、紅枱布等等。 2️⃣ 喜餅 - 奇華 我諗大家都係喺度買，我哋仲借咗過禮盆同禮金盒，勁重嘅實木盒嚟嘅😂 不過屋企人叫我借埋，就滿足下佢哋～ 免費借3日2夜，按金係$1,300。 3️⃣ 餅卡 - Paul Lafayet + A1 bakery 婚展買～ A1有8折、Paul Lafayet有9折。A1 bakery問過買門市，佢哋係冇現成餅卡，要提早10日訂。 4️⃣ 金器 - 周生生 買金間間差唔多，純粹揀款同睇吓邊個sales服務好🫣 因為有啲頸鏈只得一條，K11 Musea分店嘅同事幫我喺其他分店調咗一啲過嚟比我哋睇～ 感覺係好受尊重同有heart serve你。另外Moko店同事都好好～