其實佢明明可以喺演唱會上專心唱歌，身為一個歌手已經對得住班觀眾，但係佢每次都盡能力做多一步，而且通常都係從其他人口中得知佢嘅付出，佢自己只會讚其他人幾專業。每場演唱會都會用少少時間一個一個介紹幕前幕後嘅人，當參與其他音樂節如果用其他人嘅band，佢返後台之前都會多謝佢哋。 一時見到佢付出好多，對身邊人好好，會好奇想睇下其他人點對佢。最近話題都圍繞住叱咤投票，其實每年到呢個時候我都會覺得佢好慘，投票嘅意思明明係投你想支持嘅人，唔知幾時開始已經變成用惡毒詞語鬧你唔鍾意嘅人。 當商台list有前輩：點解張敬軒唔讓下前輩 當商台list有後輩：點解張敬軒同啲後輩爭 今年嘅頒獎典禮Jan哥嘅talk大家話聽到好感動，喺台下嘅我其實開頭覺得好諷刺「入行22年，我最喜愛男歌手獎當時只係攞過一次」但係我哋拉票聽到嘅聲音，或者其他報導下啲comment好多人都鬧「點解張敬軒唔讓俾其他人」究竟有冇人諗過邊個讓俾佢？佢贏到第二次係需要親身落街拉票+開live拉票，想像下如果自己係歌手會唔會做得出？我本人就連interview人哋問優點我都唔好意思講