每天寫一件xx的事情 今天寫一件奇怪的事情...... 今日去做樓宇按揭 層樓係為自住而買 不過都有諗過租出去 個經紀話: 既然你都打算租 我地就幫你填埋用途係出租 將來層樓要出租唔洗再過黎銀行申請 我簽名前睇到份表剔左用途係投資 但係自住嗰格就留空冇剔 我實在唔明白點解可自住可出租 但就只剔投資一項 咁於是我話要剔返自住 佢就解釋話剔投資係包埋自住 有啲游說我要剔投資嗰項 我覺得我主要目的都唔係投資 點解係都要我剔投資 點解又唔可以兩樣都剔呢 最後我堅持剔返自住 雖然佢話自住同投資嘅利率一樣 不過我又有聽過層樓出租利息係會貴啲 佢又話萬一出租被人查起上黎 被人發現冇申報會好大獲 好似晌度嚇我咁 老實說我覺得佢地有少少唔老實 不過我律師話出租的確係要得到銀行批准 但我就好唔明點解唔可以剔埋自住 明明就係自己住咯