睇吓你目標係學邊種豎琴 1: pedal harp? 2: lever harp? 3: baby harp? 唔同型號牌子嘅琴價錢都唔同，baby harp幾千蚊就有一部，pedal harp最平都要十幾萬 所以首先要知道你目標你咩先 如果暫時都唔知自己想走到幾遠 只係想試吓豎琴係點 可以去報下啲體驗班/試堂 再睇吓適唔適合自己先 而市面好多有豎琴班嘅音樂中心都有提供豎琴室租用/豎琴租借服務 等自己確認真係想繼續學 加上揀啱心水型號 再決定買邊款返屋企 （我有唔少學生都係學咗一段時間先買琴） 豎琴我個人覺得唔算太佔空間 佢睇落雖然好大部 但因為係打直擺 只要拍埋牆/攝喺啲罅隙度已經ok 我自己屋企有2部琴 一部concert grand 一部40弦lever harp 都唔夠一部鋼琴佔空間 如果你真係有興趣學豎琴或認識更多 歡迎搵我吖🤣🤣 （我中大音樂系畢業，主修豎琴🙈）

你玩下baby harp有興趣先再轉啦⋯ 學費琴費都貴

租都可以

你可以報左豎琴班先 學既地方有琴房租 好似鋼琴咁 有興趣再根據學習目標睇買邊種 我之前屋企都超細 不過照買左lever harp 40 string 羊腸線琴 大約160cm高 等於兩個人既身位左右 係屋企兩格大階磚左右咁大 拍埋係一邊都ok 但最重要係抽濕 啲線好易斷 一個春天斷六七條 尼龍線都平啲 但如果部琴係羊腸線 都幾貴一條線

可以租琴先，不過租金幾貴，你係成人學，起步都要40線lever，一部入門版pedal harp 租金大約$1500-1800，租租吓你會覺得買仲抵。 同意豎琴攝喺屋企角落位都得。 最大開支係學費&弦線耗材，樂譜都貴鋼琴幾倍。弦線如果屋企濕度穩定，低音區線唔易斷嘅。價錢範圍大約$250-$19，最常換嘅係中音區線，大約$100-150呢個範圍。

唔肯花時間練就唔好學了

學豎琴好呀👍🏻👍🏻👍🏻可以先試堂，了解左豎琴先購買🥰 呢條影片可以幫到你☺️ https://youtu.be/zzkIs2yynM8?si=48breFe8GmrnDPVO

學左先，真心想繼續學再諗放邊，總會有位嘅😂因為我都係咁