姊妹妝唔使咁貴啦？ Sorry 我哋所有姊妹化妝師都係高質 大家有做新娘化妝師 全部係經驗老手 只係大家咁岩有期 會互相幫大家化姊妹妝 所以有時候遇上啲大旺日 我都會直接同客講話幫唔到佢搵姊妹化妝 要佢自己出邊搵 因為所有我地出品嘅姊妹化妝都會負責任 - 其實要45分鐘左右完成一個姊妹妝容 又要好睇 個妝髮keep全日係好花功夫 唔係一件容易事 係需要經驗累積 唔會亂咁安排化妝師到步 準時到步基本禮儀唔特別講 我真係試過見姊妹化妝師大遲到 入到嚟可以一句sorry都冇 好彩我唔識佢 但係搞到我個新娘好緊張 係咁叫姊妹打電話 🙂‍↔️🙂‍↔️🙂‍↔️🙂‍↔️🙂‍↔️ - 慶幸我99.9%新娘都係善良 曾幾何時 真係有被要求唔使化得姐妹咁好 其實搵得做得姐妹 一定係好朋友好閨蜜 我絕對要大家靚到爆出場！ - 下篇同大家分享姊妹化妝須知