人生故事 離家出走的故事 （6） 本身🦹‍♂️用佢僅有既積蓄 我地喺深水埗租左唐樓黎住 當時既我除左識讀書 其實咩都唔識 對出面既世界既人情細故 對穩錢儲錢消費其實無咩概念 🦹‍♂️都只不過係19歲既小伙子 都叻唔過我幾多 花花世界很美 但現實是殘酷 兩按一上加佣金已用左一大舊錢 之後既屋租水電煤柴米油鹽 仲有唔生性想買就買 想射波就射波 錢 好快就用晒🫠 租交唔到俾人趕出去 訓網吧 訓m記 訓公園..全部都試過 都維持左好一段時間 無錢可以唔住唔買衫唔搭車 但係肚餓 你可以忍一餐 忍一日 但再過啲時間呢？ 最後忍唔住 去左偷野食 上得山多終遇虎 終於有一次 被保安大叔發現 報警處理