誠04 結果party嗰日都係見唔到面。 返到去收到佢message，多謝我張聖誕卡。 然後我哋又回復正常傾偈。 雖然一直諗住佢講嗰句少少鐘意咗我，但佢無再提過。 時間耐咗，我就唔敢再諗呢句說話係咪真。 直到幾個月後佢提出一齊睇戲。 一開始緊係好興奮咁應承啦，但講多幾句我就無乜期待了。 因為唔係兩個人去睇，阿彤都會一齊。 睇戲嗰日約到啲時間好抆，差唔多開場先喺門口集合。 阿誠真人個樣同喺FB啲相差唔多。 不過嗰日佢無帶眼鏡，著咗件恤衫又怕怕醜醜咁，我覺得幾正( ´▽｀) 但佢打完招呼就無視咗我（？） 好似專登避開我視線咁，淨係同阿彤細細聲講野。 其實已經有啲hard feeling，我好似個多餘嘅人咁。 最撚bad trip係，入到去我哋竟然分開坐。 當時我已經無心睇戲，仲有啲想喊。 點解第一次見面好似同想像中差咁遠。 唔係單獨見面，出到嚟又好似唔想理我咁⋯ （利申唔係呷醋，阿彤外形同性格都係tomboy咁，佢哋真係兄弟） 終於捱到睇完戲，阿彤搵咗個理由就閃人。 得返我同阿誠，兩條友你眼望我眼咁，氣氛勁尷尬。 我忍唔住開口：「你之後去邊？」 「umm…我哋一齊去食啲嘢啦。」