羊絨羊毛係比較容易變形 而家市面大部分針織衫都係90%聚酯纖維㗎喇 理論上好少洗到變形 成本低好多 不過冬天容易靜電 可以睇下有冇複合腈綸/氨綸/莫代爾/棉 物料彈性同保暖會好好多 而且冇咁多靜電 怕變形其實最好係手洗 我比較懶一般用機洗 但係屋企係日式洗衣機嘅話就最好都係用返手洗 日式洗衣機脫水好大力 一定洗壞 如果你個洗衣機有得較輕柔/羊毛模式盡量用呢個mode 同埋我會用比較硬淨嘅洗衫袋笠住佢 最好落埋柔順劑 冇嘅話護髮素頂住先 我自己啲山羊絨針織衫會單獨開一機 用中性嘅洗頭水+護髮素去洗 真係貴嗰啲都係直接攞去舖頭乾洗 晾衫盡量用多幾個衣架晾起件衫或者直接鋪平 因為未完全乾透 水份有重量都會拉長件衫 而且咁樣晾唔會膊頭where