買威士忌送禮Single Malt係咪最穩陣？ 首先，咩係Single Malt先？「Single」代表單一蒸餾廠出品。Single Malt嘅味道取決於酒廠嘅歷史、地點同口碑，當地嘅土壤、氣候、水質，加埋蒸餾技術，決定咗威士忌嘅味道。每間酒廠嘅酒都好有自己嘅「個性」，由朱古力味、車厘子味，到泥煤煙燻味，都幾講究。 除非你清楚對方飲威士忌嘅口味同偏好，否則買Single Malt送禮唔啱路，就賴嘢！ 咁送禮買咩威士忌好？ 送酒俾朋友，某程度上都對對方嘅喜好有啲了解。例如，去過對方屋企見過佢嘅珍藏或者知道佢平時鍾意飲邊款，先揀到啱嘅威士忌。其實，呢個同買生日禮物俾女朋友差唔多，買個包包都要睇下佢平時用開啲咩款，送唔啱，黑面場面都遇過唔少。