好多人都係發現另一半出軌之後，望返轉頭先見到蛛絲馬跡（非科學驗症，純經驗分享）： 設定：伴侶好沉三小，甚至覺得冇咗你都冇所謂 1. 終日機不離手，你望佢mon時好似覆緊一啲群組，或者做緊公司嘢冇，乜太大red flag。其實係製造錯覺，令你以為佢工作好忙/好鍾意同班friend傾計所以機不離手，以降低懷疑感。事實上你一移開視線，就轉返去同三小傾。 2.開始對你吹毛求疵，好易嬲，好似你做咩都錯。因為佢心目中，你點都比唔上三小。 3.大時大節/自己生日（正日或前一後一），一定有朋友約出去，當中有大段時間你打比佢都搵佢唔到/唔online，亦冇相証明佢係同咩朋友一齊出去。你質疑佢點解唔見人/搵唔到佢，佢會怪返你敏感。 4. 加班日子時數增加、做gym/跑步時間增加 5. 出trip 次數增加 6. 開始非常注意自己外表形象，買好多新衫、換新髮型；換新香水、有新首飾 7. 突然抗拒你親密接觸 （留言續） 出軌