一啲都唔深夜嘅深夜Emo短文------------------------------(一) 11月23號，升上香港中文大學嘅第兩個月唔知幾個日。回望呢幾個月，可以話係如夢似幻。有時我都會諗，如果當初我無讀到大學又會點，如果我無讀政政又會點，唔知幾多個嘅「會點」應該都係呢幾個月最大嘅疑問。可能又會有人話：你讀到大學就咪鬼喺度Emo啦。的確，誠然本人喺入到大學嗰時的確好興奮，但係當幾個月過去，熱情慢慢退去時，又我彷彿又回到咗嗰種「柴米油鹽」式嘅學習生活：朝早七點勉強起身、Project、Present、甚至係當初期待嘅「新開始」.......一切嘅一切又回到好似回到原點咁。 但係而家嘅我，卻已經無咗當初嗰種衝勁，有嘅......只係攰。有人話我係書蟲，有人話我打機上哂癮，可能佢哋都啱，因為...唯有喺夢幻中嘅嗰一刻我可以感受到一種單純、唔洗諗、只需要投入、享受嘅快樂。 雖然想講多啲嘢，但係又唔知講咩，咁就寫住呢度算。 軒-------------------- 23/11/2024 隨筆