好depressed我就嚟唔得了 唔知做咩一踏入十一月 皮膚就開始出問題 可能都關之前一路累積嘅免疫問題同埋壓力 但係而家一爆真係爆得好犀利 應該係發炎濕疹嗰種狀態 啲濕疹傷口面頭會有啲黃色嘅焦 加上學業，真係覺得唞唔到氣 有朋友好好但都唔想再係咁同friend呻 人哋都唔係無止境咁聽我講啲咁沉重嘅事 每晚一返到屋企自己一個就覺得好辛苦 好痕 完全冇心情同人講嘢做任何嘢 係咁上網睇有咩要戒口 啲傷口可以點處理 會唔會有可能其實係其他皮膚問題 邊隻產品會用得好 月頭睇完西醫 食過抗生素真係傷口收晒水嘅再搽埋抗生素very good 但係畢竟都知抗生素唔係好嘢 所以最後搽咗一段時間都冇再搽落去 但係之後傷口復發 啲傷口有時好似小水泡咁會流啲膿水 每晚淨係處理傷口都用咗成粒鐘 好啦咁 月中睇中醫 食中藥 戒口 始終都係未好得返 淨係睇醫生都睇咗接近$1000 加上啲包紮用品同埋其他上網買不含類固醇嘅膏 而家一個人喺張床真係好難受 不停就係有種好想quit曬所有野 想唔理所有人 隻眼一路飆水 一路通自己講要堅持落去 究竟我做錯咗啲咩？ Sorry我真係語無倫次了