🇭🇰日賺三千嘅freelance，我見到，學到嘅嘢 （一） 早排香港有個大型展覽，我突然接到個freelance job幫手翻譯，薪酬唔錯，雖然得嗰三日。短短三日，令我從之前做high-level thinking到更貼地嘅觀察，見聞到唔少，係好寶貴嘅經驗！呢篇主要講吓我所學到嘅，下一篇講我所觀察到嘅。 1. 美國公司做marketing & branding係有一手，間公司主打大膽鮮豔夢幻顏色，展覽booth佈置會將啲閃粉、星星片灑滿地，整體顏色係突出啲。 2. Sales technique：今次主要招corporate clients做經銷，個品牌本身喺歐美已經好有名，所以要gen leads，反而係引導對方講多啲自己，摸清楚對方嘅生意規模、市場定位，呢一點對日常人際溝通都有啟發。 3. Value propositions好重要：品牌成功，自然好多人抄襲模仿，但屹立多年仍領先行業，一定要挖掘清楚自己比人地嘅優勢，譬如得我地做到某地顏色，而且料靚；近年最好搭上ESG，做形象嘅同時，爭取目標市場受眾支持。 （⬇️續）