日本 大部份揸車都非常之謹慎有禮貌，行人過馬路會讓路，行人亦都會表示唔該，cut線讓路對方亦會打死火燈表達多謝。 而最舒服一樣嘢，我覺得係在高速公路絕大部份都會跟隨左線行慢車，右線用來爬頭，爬頭過後亦都會返左線，雖然好多人都超過限速行，但大家都好似好有默契個車流非常之順又唔會有危險，所以只要跟住前車一齊行，保持安全距離就可以，一般都唔需要太擔心，收到超速罰單。 而且停車場都會劃有雙線，等兩架車保持距離開門唔會撞到隔籬車或者頂到隔離架車。