星期五收早，返到屋企諗住拆箱貓糧掉咗紙箱先， 點知反鎖咗自己喺屋外🫨 鎖匙無、電話無、銀包無⋯ 媽媽喺英國，爸爸喺大陸 ⋯ 搵座頭姐姐借電話打俾男朋友，但佢較咗唔接陌生來電🫨 所以要save 佢電話落人哋到再whatsapp call佢🥺 跟住我就去咗樓下商場9hea 見到家燕媽媽頭盔間嘢好多老人家坐喺到，我都萌生咗個入去坐嘅念頭！ 跟住就去咗試用光能帽😂 仲玩咗佢嘅免費challenge 贏咗二獎，真係又坐又拎 。 仲有個街坊送佢贏咗嘅其中一份禮物俾我，雖然間嘢啲products 好大爭議，但入去坐嘅街坊都好nice 🫣 跟住我就喺屋苑散步，同啲婆婆爭用運動設施🙂‍↕️ 做咗陣就去咗寵物公園睇下有無狗狗玩！ 點知真係俾我識咗隻好靚嘅唐狗😍 又乖又靚又型❤️‍🔥 雖然細個差啲俾人捉去人道毀滅，最後都有個好好嘅主人同幸福嘅屋企！ 最後就返咗樓下吹住風等咗半個鐘先等到男朋友返嚟救我，一見到佢我哭𠹌咗🥺 做咗兩個鐘E人好攰😭