則樓日常 同無睇過IG Post嘅簡單講下團隊組成 我嘅日常工作小隊得四個人 有武士先生領隊 S小姐同事 皇親國戚小朋友 以及我凍奶茶 我地聽令于再大一級嘅項目領隊阿姐 阿姐管理成個項目好多條team 目前有幾個大問題引致工作倦怠 第一 唔知武士先生與阿姐之間係咪有信任問題 武士先生經常請大假 請假前落order叫我地跟住做 佢一走阿姐panic就落自己order 咁按程序就阿姐會override武士 然後武士返黎就要redo 其實我都同阿姐表達曬武士嘅諗法 唔知武士放假前有無同阿姐講清楚 成日咁樣方向好亂搞到好似盲頭烏蠅 第二 S小姐本身同阿姐有共事過有革命情懷 武士先生次次放假就完全跟足阿姐order 完全無視武士先生嘅設計原意 開口埋口都係 阿姐話點點點 心很累隊友咁玩唔撐自己條team 我再challenge落去即係要confront阿姐 第三 同S小姐喺7月份有閙過一次交 自從閙完交之後以爲大家講清楚無事 最近時不時插我幾刀 成日要拆來自佢嘅炸彈 阿姐又會指桑駡槐咁樣俾説話我聼 本身工作内容已經好鬼大壓力 仲要面對呢啲人事壓力 要忍住唔開心去完成工作任務 心諗我係度做緊咩