終於得閒繼續Update下自己Eating Disorder 希望可以hit 到啲有一樣困擾嘅人一齊圍爐。 Part 3 減肥嘅時候睇過森美嘅訪問，佢提到自己減肥係覺得如果連自己體重同身形都控制唔到嘅話，人生中仲有啲咩可以控制到呢？ 之後我覺得我應該要掌控好自己嘅身形，一直去到之後做咗教練都係覺得人係要掌控到自己嘅體重同身形，點解我做到你哋做唔到，所以一開始做教練實在唔係好順利，因為我一直都唔識體諒自己，更何況係學生。 呢種心態一直逼使自己成為一個自律又嚴苛嘅人，直到第一次健美比賽之後心態開始崩潰。比賽時期嘅辛苦再加上幾年嚟一直壓抑自己想食嘢嘅心喺比賽之後一次過爆出嚟。 我開始慢慢控制唔到自己去暴飲暴食，一個月用幾千蚊去買零食，每晚自己靜靜地嘅Me Time 就會食零食，食到好似一個人開大食會咁。 愈食愈肥，愈肥壓力同怪責自己嘅心就愈強，愈大壓力就愈想食嘢嚟逃避，落入咗一個惡性循環。自身價值開始崩潰，開始執行唔到一直以嚟信奉嘅原則，最後將自己貶低到一文不值，令到心理環境進一步惡化。 如果仲有人想睇，下文續... 附上比賽相+崩潰後嘅相