今年係我第33年食素。當年都算係「突然」食素。 仲記得當年要跟屋企人&道親們去台灣參觀佛堂，諗住成個星期都冇肉食，仲喺上機前一日特登去美心鋸咗個雜扒餐🤣 可能參觀嘅過程中有啲領悟，心中突然有個想法：「不如以後唔食肉囉。」就咁，之後就真係冇再食過。係完全冇想食嘅衝動。 當然，咁多年，有時係會有「誤食」嘅情況，例如樣食物原來有少少肉碎、或者有肉汁、肉湯，咁我通常都會請人食咗佢/搵人幫手食，如果真係冇人幫手，咁我唔想浪費咗佢，因為動物已經犧牲咗。唯有感恩地食完，之後去做返啲功德、捐下錢咁囉。 Btw有朋友㨨我去日本，其實我真係麻麻，因為好難搵食。佢哋去都係為咗魚生海鮮同和牛，我去就真係得個望字😆費事掃人哋興啦。