第一次喺thread出post。 好多人見自己唔識嘅歌手藝人，都會好有型咁打句：「唔知乜水。」啱嘅，係可以唔知，但唔想知嘅可以直接skip , 而唔使留句毫無養份嘅說話。如果有興趣嘅，咪自己google一下囉，就可以搵到答案。 其實一個月前，我都唔知who is yan ting? 直至阿仔學校出咗張通告，話邀請咗周殷廷先生分享追夢，我就開始上網，問身邊嘅人，先知關於佢嘅故事，明白點解佢咁受年青人歡迎。 一把年紀啦，好耐冇睇過叱吒，更加未試過投票。今次由15強開始，用咗全家電話投咗YT, 投到佢入5強。其實我唔知，投票有幾成真幾成假，但作為一位媽媽，我好希望我個小朋友，可以有YT做事的那團火，那種堅持。希望今次能夠投到你上台，再次俾一班年青人知道，堅持就能成功。@whoisyanting