星期六專登過大海睇汪明荃演唱會，真係好佩服佢七十幾歲仲咁精力充沛，搵埋林家謙幫佢寫歌，完全唔會落伍。 入到場，成個紅館都好似時光機咁，周圍都係啲叔叔阿姨，個個都勁興奮。仲聽到有啲阿婆話：嘩咁多樓梯，行到我腳仔軟！不過一聽到汪明荃唱起啲經典劇集主題曲，個個都即刻變咗小粉絲咁，跟著唱埋一份。 最有趣係隔離嗰家人，個女應該係讀緊初中，我以為係阿爸阿媽帶佢嚟睇吓，點知原來個女仔先係明荃(實亡)之友！聽到啲金曲，佢興奮到拎手機狂影相兼一齊唱埋。隔籬嗰排有幾個後生仔，估唔到佢哋都嚟睇，不過佢哋好似對林家謙嗰啲歌比較有興趣，仲有人睇睇下瞓著咗。 成個演唱會都睇得出汪阿姐真係好用心，仲要跳埋熱咖啡（最後有片睇），不過其實都見到佢有老態，同埋後半part都開始見攰，希望大家唔好成日笑佢！ PS1：家謙唱迷人Pink Lady 勁正 PS2：陳慧琳唔識老嘅 PS3：不得不說明荃唱電視劇主題曲好聽啲~