周殷廷憑咩入圍我最喜愛男歌手？作為今年四月入坑嘅粉，從來唔追星都被吸引到開始追佢，話俾大家知佢有咩咁勁 1. 勁有才華周身刀 跳得唱得：今年首個個人演唱會，opening連續跳唱三首歌、Mirror《ASAP》同《Want》都好驚艷！ 導演得：導過Mirror、吳雨霏、Super Girls、Gin Lee等嘅MV，佢自己嘅歌MV大部份都係自導自演，仲鍾意玩一鏡到底；依家籌備緊兩部自編自導嘅電影 作曲、監製：《三生有幸》呢首hit歌都係佢親自作曲填詞監製同自導自演MV 2. 勁有人格魅力 毫無偶包：Halloween同JFFT變裝搭地鐵去蘭桂坊、同東方昇去廟街扮古惑仔，真性情成日9up無架子又搞笑 自律同堅毅：生酮、斷食加做gym維持十幾年 好正氣：價值觀正面、有風度有承擔、信念同原則好強 3. 勁聰明又勤力： 出道九年紅歌唔紅人，靠自己向逐個Youtuber自薦合作，鋪天蓋地出現喺唔同channel，人肉突破演算法捧紅自己 自訂marketing plan、真名上連登開post宣傳再逐個留言回覆推post、出活動後瘋狂repost story多到被IG ban