「生人有好多地獄，生人也需要破地獄。」 呢句說話，我都想同我偶像張敬軒先生講。喺好多人眼中，佢既善良又堅強，係「樂壇社工」又慷慨助人，好似超人咁叻無野難倒佢。 但面對生離死別，佢同普通人一樣都係好無助痛苦、難以面對😢他喺演唱會提及Leslie係佢嘅「The Brightest Darkness」，係黑暗中、低潮的一道光。佢好自責過往要照顧其他患病嘅毛孩，俾唔到足夠嘅關注Leslie😔聽日佢即將同心愛嘅貓貓Leslie告別⋯ 呢位照亮過好多人嘅張敬軒，佢一樣有需要被照亮嘅時候。即使我嘅力量好微弱，但仍然做左份小禮物俾軒仔，想俾啲力量佢🙏🏻遺憾雖然未能親手交俾軒仔，但好多謝阿麟幫手接過呢份禮物🎁 軒仔，Leslie會變成星星，喺天上繼續愛你。人與人之間能夠相遇相伴，係緣份亦係選擇。Leslie用佢嘅方式愛你，無怨無悔。而你可以喺佢最後嘅日子盡可能花時間陪伴佢，Leslie會感受到你好愛佢。 告別難，但要告別時，只要好好記住彼此嘅美好回憶同愛，就足夠。Leslie係你嘅天堂中一部份，而唔係變成一份遺憾同枷鎖🫂🫂 願更多美好嘅人同事物，都降臨到你身上。@hinscheung 張敬軒