講完app講下Ex 話說Ex係喺公司識嘅，我當年係Junior, 佢係Senior咁啦，大家同team。我大學畢業，佢Form 7完就出嚟做嘢。 一齊一路都好好，諗住都係佢架啦，如是者過咗一年，有一日我收到一個headhunt電話有份工啱我，嗰時同ex傾完覺得都要試下，然後我就轉咗，人工加咗我double，當時突然我人工就超過咗佢。 然後佢開始俾說話我聽：點解你人工高過我嘅？ 點解人地會請你？你咁蠢。 開頭我都仲係覺得佢講下姐，氹下氹下咁又一日，又過咗一年。然後佢都轉咗工，人工都加咗啲。 有一日，佢公司問佢，咦聽講你女朋友都係做呢行，佢有無興趣嚟呀我哋請人喎。然後send完CV去，嗰間公司：你個profile好啱我地一個位 （高過Ex一格，係佢一路想做嘅位，人工當然都ok），佢啲說話就越嚟越密（兩三日一次）開始話我廢，人地請我都係因為我學歷好過佢，我咁蠢點會做到。仲問我點解佢無呢啲機會 其實我當時可以選擇唔轉，但唔知點解嗰時一路就覺得Career同薪水先係屬於自己嘅嘢，男朋友係不可控嘅，佢走就咩都無。所以一定係揀Career。 但呢個人我都仲繼續咗5年⋯⋯