「你入嚟掛個牌啦，咩都唔使做， 每個月俾$8000你」 呢啲嘅招聘手法都曾經有朋友中過招 一個不慎俾人告埋洗黑錢 最高刑罰監禁14年同罰款500萬 呢個事主仲要俾人起訴20條罪 好多人未必知道，保險嘅三大罪行  「射單」、「打飛」同虛假索償 其實好多時係由保險公司直接報備俾廉政公署展開調查，因為以上嘅罪行多數都牽涉「違反防止賄賂條例」 所以係直接報老廉 而點解可以俾人有機可乘？ 係因為其實好多保險公司用嚟做招聘吸引人入職嘅package 都會有唔同嘅津貼同埋「底薪」. 只要計啱晒數，其實可以好容易做到交10萬蚊保費，然之後出多過10萬蚊嘅佣金連津貼. 創造到所謂嘅「利潤點」