[微粒插畫家小分享］我認為每個會接商業工作嘅 artist 都應該要研發出一個快速畫畫嘅風格，發展更多賺錢機會😹 例如發佈新書，傳統漫畫家都會有即場簽繪，多人排隊嗰陣，都要求速度快靚正畫到有水準簽繪回饋返有心支持買書嘅人 又例如即場畫人，畫寵物，等等需要即場畫嘢場合，婚禮、展覽、品牌活動、主題市集等等，都係一個市場，都係賺錢同發展機會 但係作為一個鍾意獨立匿埋畫畫嘅人，都好唔鍾意人哋望住自己畫畫，好驚要好快畫完一幅畫，因為慢慢畫可以畫到滿意為止。但即刻畫就會有好多因素影響畫作完成度，自己又未必滿意，少咗時間審視自己幅畫（我真係會） 加上又會好容易社恐，好驚好緊張，好容易冇平時發揮得咁好，就畫得冇咁靚 我冇其他天才artist咁叻，真係要努力瘋狂練習同克服恐懼先做到即場畫畫，經過實戰發掘先可以快速畫出有自己風格嘅即場繪畫 但係克服到都好開心發展自己新嘅一面😹 同埋經歷到過程會發掘到自己獨特又順手既風格 之後插畫工作又用得返，慢慢增強同穩定自己作品嘅獨特性 Anyway，大家喜歡我即場畫嘅風格嗎？😹需要feedback