《點樣可以未出手先贏咗50%情敵》 睇咗一啲PM嘅case, 我覺得大家都失去咗自己 我明白有時一鐘意人就戀愛腦上頭沉晒船 但係請大家一定要冷靜 如果你可以講一句「為咗佢我咩都可以做得出」 我希望你做嘅唔會係一啲令到自己冇晒自尊同價值嘅野 因為當你趴喺地下求人愛你憐憫你 係唔會得到對方嘅珍視 只有做一個有尊嚴有底線嘅女人 先會被人捧在手心 當有人對你唔好、要打你要鬧你嘅時候 你會點做？ 打返佢鬧返佢？咁你就係潑婦 一哭二鬧三上吊？咁你就成為怨婦 發癲！message/電話狂call佢！ 去佢公司樓下等佢！迫佢見你！ 你嘅情敵多謝你了。 我想講，我淨係唔做啲痴線野，已經喺未開始比賽之前可以贏到一半嘅情敵。 係呀，真係有咁多人會做啲癲野ga 有時唔出手，都係出手嘅一種嚟嘅。