TADA網約車平台(uber Killer？)年底將進駐香港，大家點睇？ 香港人唔多人聽過 TADA，其實佢喺新加坡成立6年，以零佣金策略，不單在新加坡站穩陣腳，市佔緊隨Grab作為第二多，亦擴展至泰國及柬埔寨，下一站已瞄準香港，預計招募三至四千輛的士加盟，認為發牌可以確保服務質素，令行業發展更有方向。 隨著政府研究立法規管網約車平台，作為Uber 司機既我，有感喺香港揸Uber真係越來越艱難。Uber 推出好多優惠俾Uber taxi果邊，例如乘客優惠咁，私家車呢邊冇都算，連以前成立獎金獎勵私家車跑數都冇埋，再俾平台抽佣3成，再加埋香港市道依家又咁淡，生存越來越難。 本來諗住無計，始終除咗的士外，Uber平台都係獨大，就好似當年gogovan咁，冇其他選擇要搵食唯有認命。點知今日發現，原來Tada好似唔止齋受的士司機玩，仲受埋私家車登記，我即刻報咗名買個機會先。暫時預定十二月推出。 唔知來緊引入Tada之後對成個業界有冇咩影響，會唔會打破到Uber 獨大既情況。 各位的士、Uber師兄點睇？不妨留言討論指點迷津下。 tadahk_official