「阿爸，琴晚聖誕老人無俾禮物呀」 阿仔喊晒口咁講。 我半睡半醒咁俾佢嘈醒，嚇一嚇醒番起琴晚半夜食食下零食恰著左，牙都未刷，唔記得左擺聖誕禮物 拿拿聲出廳帶番個仔番房，叫佢眠一陣等我刷埋牙先 跟住我即刻番自己房打開個抽屜拎2 架Tiny 車仔，去擺係聖誕樹中間樹枝叉位，擺完就去刷牙 刷完諗住去仔房搵佢，點知搵唔到，原來佢出左廳再檢查棵聖誕樹時，就係丫叉位搵到2 架車車，高高興興咁周圍宣揚中 心諗：好彩又過一關，唔知聖誕老人呢個遊戲最後可以玩到幾多歲呢？🤭 個遊戲係：聖誕節前寫信俾聖誕老人，話俾佢知想要乜聖誕禮物，然後平安夜小朋友訓著之後，聖誕老人就會經露台入屋放低禮物係聖誕樹下，小朋友第二朝天光前就會收到啦