英國被搵工奇遇記 - 最終章 - on9西工認證 承接上一個post 自從上個禮拜無啦啦有人call我去開工之後 禮拜一正式開工 如果係我同一個黑人完全新手乜都唔知就要做嘢 首先朝頭早8:00要去到倉度攞貨 但係佢比份PDF完全冇講點樣入去拎 去到個倉點知連佢嘅密碼都係錯嘅 最終好彩有兩位現場唔識嘅同事 教我哋一步步入去拎嘢 好啦算啦，拎好啲嘢就出發 去到第一個site 繼續係唔知點做份PDF又冇講 我自己試啦 喺同一個時間 Agent公司、外判公司、Sainsbury公司 三個地方不斷打電話嚟問 你去到邊？你搞成點？仲有幾耐搞掂？ 搞掂記得send email俾我 每10分鐘裏面點都會有一兩個電話 最終因為網絡問題同埋我哋真係第一次做 第一個site搞咗四個鐘 四個鐘裏面，佢哋起碼打咗三幾四十個電話嚟 無論我哋喺鋪面裝緊野、爬緊樓梯做緊嘢、 入去Server房駁緊線、定係我去緊廁所… 我同partner嘅電話從來冇停過 不斷打嚟問我哋做成點 一來非常影響工作進度 二來真係非常非常乞人憎 留言繼續—>>>