冬至快樂 2024話咁快就過，回顧過往12個月，情緒高低起跌好多，一年內發生太多事。我會話2024係近20年生活變化最大嘅一年。從中學習咗唔少。 斷捨離｜搬屋時將前半生嘅身外物點算一次，其實擁有嘅嘢好多，真正用得着嘅好少。斷捨離過程中最掙扎嘅係咁多年儲落嘅衫、唱片。連同娘家一共兩大個衣櫃，衫掉咗一半。唱片只留幾個「我最喜愛」。 簡約生活｜因為又會再搬，好多入箱嘅嘢唔想開出嚟。發現日常生活必須嘅物品其實唔需要好多，夠用就好。 隨遇而安｜依樣係嚟到英國學到嘅，所有移英朋友都會明。凡事唔好強求，從工作、銀行、出街食飯、以致搭車，會發生嘅自然會出現。對於我心急易忟嘅人，初初係心很累，但總算適應咗 做好自己控制範圍就夠｜承上追加。我係嗰種成日會問「點解佢唔XXX咁做？」又係過嚟學習到每個人都係自由個體，唔能夠強迫別人做事，你睇唔順眼feel free做埋佢，唔好要求有人appreciate你做多咗。否則做好自己就夠。 自律｜依家唔再係會社員，作息時間唔再穩定，冇咗一至五返工六日放假嘅模式，安排工作家務自修休息同玩嘅時間表好靠自律。自問响依方面仲有進步空間。 倫敦生活