如何令本身唔鍾意自己嘅人變成朋友？ - 前因 疫情期間好多野都停，包括my son玩開樣運動嘅恆常training, 最多都係同啲比較熟嘅練下唔好生疏，慢慢好多野都放寛時，可以開始去返training,但要轉去一個本身我哋都唔係咁like嘅地方 因為d人太小圈子，無論小朋友定家長都係，覺得喺得呢度練係最勁，好多都當自己係神級咁，以為自己係最勁呢個文化係我哋最唔鍾意嘅位 最後近屋企唔洗周圍走，又冇乜其他選擇又有人介紹，就同熟啲嘅朋友仔一齊去試下叫做大家有個照應 結果亦都不出我地所料，每日都會有閒言閒語被bully咁，我本身作為老母嘅一向都唔會特別同d家長打交道，最多點下頭，可能一、兩個啱傾嘅閒話家常，唔會圍爐吹水R埋堆，見住my son比人排斥一來預左二來比佢感受下呢個世界真係好現實同時亦都要心理輔導 👱‍♀️：我知你好唔鍾意喺度training，我都係，你只係黎練黎學野，啱玩可以一齊玩，唔啱玩都唔洗理佢哋講乜，話乜嘢靠關係呢啲嘢，呢個係事實，更加要做好你自己，比人知你有實力唔係只係靠關係，有邊個再問你以前係咪好渣，又講呢講路嘅，你同佢講：我呀媽喺嗰度，你咁想知可以問佢 《續》