返咗兩個禮拜全職啦！ 上一個post好似講到做工場好似美好，見大家好有興趣再講吓詳細啲💩 雖然返工場早返工早收工，多多少少都總係有啲缺點嘅，又或者可能係我本身嘅問題啦😆 始終整份量都比較大，所以啲嘢都會好大同埋好多，自問又唔係生得高，同埋又唔係大隻💦💦同埋自己又衰，有時候動作同埋姿勢都唔正確💩💩 而且工作上都會不停重複同一個動作同一個產品例如：規定一粒芝士蛋糕要幾g然後要唧1xx粒咁。快手都要維持一個鐘😂 做落咗其實都幾悶，加上公司規定係唔可以聽歌💦 所以其實係工場返嘅流失率都幾高，唔夠人自然做嘅嘢就會比較多💦💦