香港四徑大步走 電影拍攝果一屆好彩遇到好天氣，拍到香港好靚果面，而且節奏無悶場位，甚至有笑有淚。無論比賽難度本身、定四徑風景，都真係世界級。記得有啲年份係有雨又大霧嘅，能夠成為生存者已經當贏。 自己雖然冇做開跑步運動，但自從偶然知道有呢個比賽之後，每年都係一路拜年一路睇live tracker，記得去到差不多60小時完成者同cut off 72小時生存者兩個位，特別緊張，睇下邊啲參加者由大東山衝緊落梅窩終點。舊年去郊遊期間終於親眼見到有人衝線，果刻自己都感動埋一份。