《非一般鬼上身》（自身經歷，真人真事） 我係一個做零售嘅小老闆，同時現在都係一位法師，以免影響本業，我只可以匿名分享。曾經嘅我係由細到大我都唔相信任何鬼神之說，因為屋企人教落「唔識就唔好拜，敬鬼神而遠之，況且世界上邊有啲咁神奇嘅野？」 直到有一次，我認識咗一位自稱天后娘娘嘅僮身，而當時我都唔係好理解係咩嚟，淨係知佢會娘娘上身講嘢，仲有問必答，又好似幾準咁，又唔使錢。見到佢地都幾多善信，我都試吓啦。於是我就開始成日去問事，乜都問一餐，好想知道未來嘅嘢，又好想聽一啲佢講得準嘅野（過去嘅事）。 嗰排個人開始好迷信，成日都想去搵「娘娘」。後尾娘娘也開始發展到會有唔同神上身，例如關帝會落嚟耍功夫、桃花仙姐會落黎散花（而散花一刻真係全場都會有花香味）。作為一個幾十年嚟都無接觸過呢啲嘢嘅人嚟講，真係覺得好神奇！ 有一晚我訓教嘅時候，無意識地做出同娘娘相似嘅動作（都持續咗一段時間），係我老公話返比我知嘅。我知道咗之後，心裏又驚又喜，心諗「唔通真係會有神睇中我想上我身？」 於是當日我立即去搵「娘娘」⋯⋯（待續） 鬼上身