《非一般鬼上身4》（自身經歷，真人真事） 幸得廟內遇到師傅A，我人生中第一個師傅就係跟呀師傅A嘅師傅，我簡稱陳師傅。陳師傅係茅山派別嘅，邊條支流就不便多講了。 有一日我就約咗陳師傅出嚟飲茶，便同佢一五一十講我嘅經歷，同埋展示比佢睇「娘娘」教過我嘅嘢。陳師傅指出，一般行正法嘅符都有佢嘅系統，雖然「娘娘」教我嘅係好似行正法，但係魔鬼在細節，細節中睇得出其實係行緊陰法。另外由於我當時只係喺廟內打杯，並無做過任何過教法事，咁點解我行嘅野會work? 法從何來？所以點解運氣會越嚟越差，相信大家都估到了。 陳師傅話可以收我為徒，並稱飲完過教符水之後就再聽唔到娘娘把聲，乜鬼都行唔到埋身。聽到呢個消息之後我開心到喊出嚟，幾乎每日都要處理靈體入身嘅呢種非人生活真係好困擾！ 終於等到入門嗰日，我快快脆脆飲下符水，陳師傅仲幫我封身，我心諗終於完啦！陳師傅仲叫我立刻請僮，求神明上身護住我。但係請神上身一刻，竟然如此熟悉嘅動作又再次出現⋯⋯ （待續）