8年前同死佬曖昧咗半年都唔一齊，偏偏係呢度靠佢搞掂咗，鼓勵曖昧期嚟呢度試下😂 老公係一個好穩陣嘅人，做事前要諗好耐 拍唔拍拖都要諗好耐，等咗大半年曖昧期都就過 一直都唔行動，差啲就嘔血 記得果時係平安夜我生日，用生日免費嚟約咗佢去海洋公園，由睇海洋館到掟公仔，去埋玩過山車 呢個男人都無任何表示同動作，諗住今日都係無咩突破，去完熊貓館就返歸食自己。 老公：熊貓真係好可愛，同你一樣。 我：係咩，哈哈 （心諗：......係咪笑緊我同熊貓一樣大隻） 老公：抱住一定好舒服 我立即心情複雜唔知開心定唔開心好 睇睇下，老公就拖住咗我隻手，大團圓結局。 OMG 從此我就愛上咗熊貓，多謝熊貓，多謝海洋公園 大家曖昧期試下去海洋公園睇熊貓，可能有進展 今年我都決定同老公再去海洋公園 同老公喺好多熊貓佈置嘅聖誕樹前面回味當年 之後探埋家姐細佬 再去熊貓光影館個花海、竹林、互動裝置度瘋狂打卡 睇埋夜晚光影show就滿足哂喇