Gitlab退出香港個情況可以比喻為，銀行同你講：「我哋過多兩個月唔做喇，你唔轉走啲錢到時我哋就會幫你燒哂佢。」咁樣做對個人或商業運作都好大影響。當然Gitlab唔會係最後一間，長遠嚟講留港嘅可能都要轉用國產IT野。 雖然我用Azure Devops暫時唔受影響，但係綜合各種風險，以後無論肉體／精神／電子都要逐步轉移到北美。至於加拿大有幾好住就有待觀察。目前比較想摸索嘅生活模式會係digital nomad或者小型startup founder咁，都可以話自己俾德勒兹嘅游牧性嘅影響咗。 而我個人係開始厭倦「留定走、左定右、A or B」之類嘅討論，因為呢種態度仍然預設咗東西方／政治對立／A or B有本質上嘅分裂，而同一之處例如現代技術對於普通人嘅控制仍然唔受關注，但相應嚟講仍然有學習同實踐空間。